Сиролимус (кол) в Бишкеке

Изилдөөгө көрсөтмөлөр: кандагы сиролимустун деңгээлин көзөмөлдөө; сиролимустун дозасын оңдоо (коррекциялоо); сиролимус менен дарылоонун жетишсиз натыйжалуулугу; сиролимус менен дарылоонун фонундагы терс таасирлер; бир нече топтогу препараттарды бир убакта кабыл алууда дары-дармектердин өз ара аракеттенүүсүн баалоо.

Сиролимус — иммунодепрессант, иммундук реакциялардын өрчүшүн басаңдатуучу препарат, трансплантологияда органды четке кагуу реакцияларынын алдын алуу үчүн кеңири колдонулат. Аны кабыл алуу айрым аутоиммундук ооруларда да көрсөтүлөт.

Органдарды алмаштыргандан кийин стандарттык дарылоо режими каныктыруучу дозаны бир жолу киргизүүнү жана андан кийин эки-үч ай бою колдоочу терапияга өтүүнү камтыйт.

Алгачкы этапта препараттын концентрациясы сунушталгандан ашпашы керек, анткени бул терс таасирлердин өрчүшүнө алып келиши мүмкүн: кадимки шарттуу-патогендик микрофлоранын активдешүүсүнөн улам пайда болгон оппортунисттик инфекциялар, операциядан кийинки жарааттардын айыгуу процесстеринин жайлашы, ткандардын калың катмарында лимфа суюктугунун топтолушу.

Көрсөткүчтөр минималдуудан төмөн болгондо, фармакотерапиянын натыйжалуулугу кыйла төмөндөйт, бул «трансплантат ээсине каршы» реакциясынын өрчүшүнө себеп болушу мүмкүн.

Канды системалуу изилдөө дозаны «минималдуу тобокелдик — максималдуу натыйжалуулук» оптималдуу катышын сактоо менен терапевттик диапазондун чегинде кармап турууга мүмкүндүк берет.

Канды препараттын кийинки дозасын кабыл алууга 30 мүнөт калганда же дарылоочу дарыгер сунуштаган убакта тапшыруу керек.

Оптималдуу диапазондор бейтаптын клиникалык абалына, сиролимустун терапевттик касиеттерине жана анын терс таасирлерине карата жеке сезгичтигине, башка иммунодепрессанттарды бир убакта кабыл алууга жана дарылоочу дарыгердин кароосу боюнча бир катар башка факторлорго көз каранды.