ПЧР-изилдөөлөргө даярдануу

Жалпы эрежелер

Биоматериалды алууга 10-14 күн калганда дары-дармектерди жана дарылоо процедураларын кабыл алууну токтотуу керек.

Канды ачкарын тапшыруу керек.

Заараны (биринчи бөлүгүн) уйкудан кийин эртең менен чогултушат. Биоматериалды лабораторияга ошол эле күнү 2-3 сааттын ичинде жеткирүү керек.

Сүртүндү: изилдөөнүн алдында 24 сааттын ичинде кынды жууганга, интравагиналдык терапияга (шамдар, тампондор), антисептикалык каражаттарды (анын ичинде мирамистин) колдонууга болбойт, жыныстык катнашты алып салуу керек.

Эркектер үчүн сүртүндү: изилдөөнүн алдында 2-3 саат бою заара кылуудан баш тартуу керек.

Аялдар үчүн сүртүндү: этек кир учурунда материал алынбайт.

Кош бойлуулар үчүн сүртүндү:

• кош бойлуулуктун 21 жумасына чейин, эгерде бойдон түшүү коркунучу жок болсо — изилдөө үчүн биоматериалды медайым лабораториялык бөлүмдө алат;
• кош бойлуулуктун 22-30 жумасында, эгерде бойдон түшүү коркунучу жок болсо — изилдөө үчүн биоматериалды дарыгер-гинеколог лабораториялык бөлүмдө алат (алдын ала жазылуу талап кылынышы мүмкүн, маалыматты алдын ала администратордон тактоо керек). Ошондой эле бөлүмгө алып келинген биоматериалды изилдөөгө болот;
• кош бойлуулуктун 31-жумасынан баштап жана андан ары, ошондой эле бойдон түшүү коркунучу болгондо — бөлүмгө алып келинген биоматериал гана кабыл алынат;
• кайсы болбосун мөөнөттө бойдон түшүү коркунучу болгондо — бөлүмгө алып келинген биоматериалды изилдөө гана кабыл алынат.

Айрым изилдөөлөр

Гонореяга материал алуу

Даярдоонун жалпы эрежелерин сактоо керек. Изилдөөгө 3-4 саат калганда заара кылуудан баш тартуу керек. Изилдөөнүн алдында жыныс органдарын тазалоого тыюу салынат.

Аялдарда материал этек кирге чейин же аяктагандан кийин 1-2 күндөн кийин алынат.

Гемофилус инфлюенца, Нейссерия менингитидис, Стрептококкус пневмония

Алкым тешигинен сүртүндү алуу ачкарын же тамактангандан 3 сааттан кийин жүргүзүлөт. Ошондой эле 3 саат бою тишти жууп, оозду суу менен чайкап, ичүүгө болбойт. Анализ антибиотикотерапиянын башталышына чейин же аяктагандан кийин 14 күндөн эрте эмес жүргүзүлөт.

Шигелла жана энтероинвазивдик Е. coli, Сальмонелла, Кампилобактерии

Заңды антибиотиктерди жана химиотерапиялык препараттарды кабыл алуунун башталышына чейин тапшыруу керек. Эгерде бул мүмкүн болбосо, анда препаратты кабыл алгандан кийин 12 сааттан эрте эмес.