Органдарында гормондор өндүрүлгөн эндокриндик система организмде жүргөн бардык процесстерди башкарат. Анын иштөөсүндө жадагалса эң кичинекей бузулуу сырткы көрүнүштүн жана таптын өзгөрүшүнө алып келиши мүмкүн – адегенде дээрлик байкалбаган: мисалы, салмактын өзгөрүшү, чарчоо, басыңкы көңүл же кадыреседен чачтын аябай түшүшү. Өзгөчө көңүл буруу керек болгон эндокриндик системанын эң маанилүү тутуму – калкан бези.

Калкан бези деген эмне

Бул моюнда, коконун алдында жайгашкан мүнөздүү формадагы кичине орган (кадыресе аны көпөлөк менен салыштырышат). Калкан бези зат алмашууну жана ар бир клеткадагы кубатты башкарат. Кубат бардык органдар жана ткандар үчүн керек, ошондуктан калкан безинин саламаттыгынан бардык организм көз каранды: ал акыл жөндөмдүүлүгүнө, уйкуга, табитке, тери жана чачтын абалына, салмакка, физикалык активдүүлүккө, сөөктөрдүн жана сөөк тутумунун бекемдигине, жүрөктүн иштешине, жыныстык өрчүүгө, ошондой эле аялдын саламаттуу баланы көтөрүп, төрөө жөндөмдүүлүгүнө таасир этет.

Дарыгерлер гормоналдык баланстын жана зат алмашуунун бузулушуна карата кайсы болбосун шектер туулган учурда калкан безинин лабораториялык текшерүүсүн дайындашат. Мындай анализдерден айыз циклинин бузулушунун, кескин салмак кошуунун, депрессиялык абалдын себептерин аныктоо башталат. Аялдарга профилактикалык текшерүүдөн дайыма өтүп туруу сунушталат: калкан без оорулары аларда эркектерге караганда көбүрөөк кездешет.

Төмөнкү белгилерди байкасаңыз, текшерүүдөн өткүлө:

• Дайыма уйкучулдук
• Көңүлдүн жана эс тутумдун начарлашы
• Белгилүү себептерсиз кескин арыктоо же салмак кошуу
• Туталангычтык
• Айыз циклинин бузулушу
• Сексуалдык активдүүлүктүн төмөндөш

Биз натыйжаларды электрондук почтаңызга жөнөтөбүз же сиз аларды https://gemotest.ru/my/ дареги боюнча жеке кабинеттен карасаңыз болот. Ошондой эле натыйжаларды басылып чыгарылган түрдө Гемотесттин каалаган лабораториялык бөлүмүнөн алсаңыз болот.
Акцияны өткөрүү мөөнөтү "Гемотест КГ" ЖЧКсынын ыктыяры боюнча өзгөрүшү мүмкүн.